Beynəlxalq seminarların və konfransların iştirskçısı olan Dr. Hakan Ocak Türkiyənin ən peşəkar üz-çənə cərrahı hesab olunur. Etdiyi uğurlu əməliyyatlarla adından söz etdirən Hakan Ocak bir müddət öncə nüfuzlu mükafata layiq görülüb. Azərbaycanın paytaxtı Bakıda "Four Seasons" otelində keçirilən "Global Health Awards" layihəsinin qala gecəsində "Ən yaxşı üz-çənə cərrahı" nominasiyası ilə təltif olunan həkim adını nüfuzlu həkimlər siyahısına yazdırıb.
2009-cu ildə dünyanın ilk rəsmi stomatologiya fakültəsi olan Merilend Universitetinin stomatologiya fakültəsində 6 ay müddətində zəngin təcrübə toplayan Hakan Ocak hazırda pasiyentlərini öz adını daşıyan klinikasında qəbul edir.
“Müasir cihazlardan istifadə edərək hər bir pasiyentimə individual yanaşıram və kompleks şəkildə xidmət göstərirəm. İşimdə lazım olan bütün estetik və funksional müalicələri tətbiq edirəm. Əsas məqsədim insanlara faydalı olmaq, sağlam və gözəl gülüş bəxş etməkdir", Hakan Ocak qeyd edir.
Health News saytına gələcək planlarından danışam Hakan Ocak bildirdi ki, hədəfi Türkiyənin tibb sahəsində yeniliklər edərək bu sahənin inkişafına öz töhvəsini verməkdir.
Tags
09 Yanvar 2022, 05:21
