Dr. Aytən Səfərova : “Hər qadın ana olmağa layiq”

Öz peşəsini sevmək, bu sahədə uğurlu olmaq deməkdir. Dr. Aytən Səfərova işini sevən peşəkar həkimlərimizdəndir.

1980-cı ildə Bakı şəhərində anadan olan Aytən Səfərova 1998-ci ildə məktəbi əla qiymətlərlə bitirir. Elə həmin ildə də, Tibb Universitetinin  müalicə-profilaktika fakültəsinə daxil olur. 2005-2010-cu illərdə İzmir Dokuz Eylül Universiteti Qadın Xəstəlikləri və doğum şöbəsində uzmanlıq  dərəcəsi alır. Vətənə döndükdən sonra 2011-ci ildə Mərkəzi Neftçilər Xəstəxanasında mama- ginekoloq vəzifəsində çalışmağa başlayıb. 4 il müddətində bu xəstəxanada Qadın xəstəlikləri və doğum şöbəsində şöbə müdiri vəzifəsində çalışdıqdan sonra  2016-2018-ci illərdə eyni vəzifəni İnternational Medical Center-də həyata keçirir. 2019-cu ildən bu günə qədər Caspian İnternational Hospitalda  fəaliyyətini davam etdirir. Tibb sahəsində 15 ildən artıq  təcrübəyə malik olan peşəkar həkim  “hər qadın ana olmağa layiq” sloqanı ilə yaratdığı sonsuzluq mərkəzinə rəhbərlik edir.